Фото: Bloomberg Афғонистон Ўзбекистон ва Хитойда ўз маҳсулотлари кўргазмаларини ўтказиш ниятида. Бу ҳақда ТОLО News телеканалига таяниб «ТАСС» хабар бермоқда. Савдо ва саноат вазири Нуруддин Азизий Афғонистонда ҳокимиятни эгаллаб олган Толибон томонидан тузилган муваққат ҳукумат таркибида ҳисобланади. - Биз Ўзбекистон ва Хитойда маҳсулотларимиз кўргазмасини ўтказмоқчимиз, – дея унинг сўзларидан иқтибос келтирган телеканал. Таъкидланишича, ҳозирда Афғонистонда 69-76 та атрофида корхона фаолият кўрсатмоқда. - Биз истеъмолчи давлат бўлишни эмас, ўз ишлаб чиқариш ва экспортимизни ривожлантиришни хоҳлаймиз, — дейди Азизий. АҚШ ўз қуролли кучларини мамлакатдан олиб чиқиш қарорини эълон қилганидан сўнг «Толибон» ҳаракати Афғонистон устидан назорат ўрнатиш учун кенг кўламли операция бошлаганди. 2021 йил 15 августда Толибон жангсиз Кобулга кирган ва мамлакат президенти Ашраф Ғани эса Афғонистонни тарк этган эди. 6 сентябрь куни Толибон бутун Афғонистон ҳудуди устидан назорат ўрнатилганлигини эълон қилган эди.
