Чақалоқнинг бурни қандай тозаланади?
Шифокор Ҳилола Жумаева:
– Чақалоқлар бурнини тозалаш учун махсус аспиратор, пипетка, стерил салфеткалар ва махсус шўр сувлардан фойдаланиш мумкин. Биринчи навбатда бурун ичи тиқилмаларини юмшатиш керак.
-Бунинг учун пипетка ёрдамида махсус шўр сувлардан 1 томчи томизилиб, бироз кутилади. Кейин махсус аспиратор ёрдамида тортиб олинади.
-Бола ушбу жараёнда уйғоқ бўлиши керак. Аспираторларни ишлатиб бўлгач, дезинфекция қилиш лозим. Чақалоқ бурнини тозалашда қўллар, қаттиқ нарсалардан фойдаланмаслик керак. Бу чақалоқ бурни яллиғланиб, қонашига сабаб бўлади. Ушбу жараённи тўғри бажариш учун дастлаб, шифокор педиатр назорати остида қилиш тавсия этилади.
«Соғлом ҳаёт»