Туркиядаги зилзила қурбонлари сони 9057 нафарга етди
Туркияда зилзила қурбонлари сони 9 057 кишига етди, яна 52 979 киши жароҳат олди, дея хабар беради Аnadolu агентлиги.
Бугун Туркия Президенти Режеп Таййип Эрдоған Қаҳраманмараш шаҳридаги вайронкор зилзиладан жабр кўрган аҳолининг чодирли шаҳарчасига ташриф буюрди. Президент «Оникишубат» стадионига келиб, марҳумнинг қариндошлари ва яқинларига ҳамдардлик билдириб, жароҳат олганларнинг тезроқ соғайиб кетишини тилади.
Эрдоған, вайрон бўлган барча биноларнинг аҳолиси янги квартираларга эга бўлишини айтди.
«Биз бу муаммони енгамиз. Бир томондан вайроналар тозаланади, иккинчи томондан эса янги бинолар қурилиши бошланади. Бу бироз вақт олади, лекин ҳаммаси тез орада амалга ошади», – деди у.