ЙПХ инспекторида шубҳа уйғотган ҳайдовчи ёнидан тақиқланган модда топилди
2023 йилнинг 11 февраль куни соат 12:20 ларда, «А.Турбанов» йўл патруль хизмати масканида хизмат олиб бораётган Тошкент шаҳар ИИББ ЙҲХБ ЙПХ инспекторлари катта сержант С.Бегматов ва сафдор Б.Назирходжаевлар томонидан Малибу русумли автомобиль тўхтатилиб, хужжатларини текшириш давомида ҳайдовчи 1988 йилда туғилган Х.Б. ўз ҳатти-ҳаракатлари ва гап сўзидан ЙПХ инспекторларида шубҳа уйғотган, холислар иштирокида авто транспорт воситаси кўздан кечирилганда, ҳайдовчининг сумкасидан яшил рангли, ўткир хидли, ўтсимон модда топилган.
Мазкур ҳолат юзасидан тегишли ҳужжатлар расмийлаштирилиб, фуқаро Х.Б. ва аниқланган модда Янгиҳаёт тумани ИИО ФМБга топширилган.