Мўтажавизларга қарши зарба: Эрон юзлаб баллистик ракеталар билан Исроилга жавоб берди
Расмий баёнотда таъкидланишича, амалга оширилган ҳужум Исроилнинг ционистик режими томонидан Эронга қарши қилинган "шафқатсиз ва таҳдидли ҳужумлар"га жавоб сифатида амалга оширилган.
"Бир неча дақиқа олдин, Эрон Исроилга қарши ҳал қилувчи операцияни бошлади. Бу босиб олинган ерлар томон юзлаб турдаги баллистик ракеталарни йўллаш билан амалга оширилди", — дейилади IRNA тарқатган расмий хабарда.
Айни вақтда минтақада ҳарбий фаоллик кескин ошгани, ҳаво мудофаа тизимлари юқори тайёрлик ҳолатига келтирилгани ва халқаро ҳамжамият томонидан хавотир билан кузатиб борилаётгани қайд этилмоқда.
Махсус таъкидлаш жоизки, Эрон ва Исроил ўртасидаги кескинлик сўнгги ҳафталарда янада авж олган, бу эса минтақадаги хавфсизлик вазиятини янада мураккаблаштирмоқда.
Эслатиб ўтамиз, сўнгги бор бундай масштабдаги ракеталар орқали тўғридан-тўғри зарба бериш ҳолати 2020 йилда кузатилган эди. Бу сафарги ҳужум эса янги босқичга ўтган зиддиятни англатиши мумкин.
Минтақадаги сиёсий таҳлилчилар бу ҳаракатни Теҳрон томонидан жиддий огоҳлантириш сифатида баҳоламоқда. Исроил расмийлари ҳозирча ҳужумга расмий муносабат билдирмаган.
Zamin.uz таҳририяти ушбу воқеалар ривожини кузатишда давом этади.