Арманистонда собиқ бош вазир жиддий жиноятларда гумон қилинмоқда

Арманистон сиёсий майдонида яна шов-шувли воқеа юз берди. Мамлакатнинг собиқ бош вазири ва парламентнинг собиқ спикери Овик Абрамян қўлга олинди. Бу ҳақда маҳаллий Арминфо ахборот агентлиги Коррупцияга қарши кураш қўмитасига таяниб хабар берди.

Қайд этилишича, Абрамян қатор оғир жиноятларда гумон қилинмоқда. Жумладан, у пул ювиш, хизмат мавқеини суиистеъмол қилиш ва ноқонуний тадбиркорлик фаолиятида иштирок этишда айбланмоқда.

Овик Абрамян Арманистон сиёсатида муҳим лавозимларда фаолият юритган. У 2012-2014 йилларда Миллий ассамблея спикери бўлган бўлса, 2014-2016 йилларда мамлакат бош вазири лавозимини эгаллаган.

Ҳозирда ҳуқуқни муҳофаза қилувчи органлар томонидан тергов ҳаракатлари олиб борилмоқда. Абрамян иш бўйича гумонланувчи сифатида ҳибсга олинган ва унга нисбатан қонунчиликда назарда тутилган процессуал чоралар кўрилмоқда.

Арманистонда коррупцияга қарши кураш сўнгги йилларда сезиларли даражада кучайган бўлиб, собиқ юқори лавозимли амалдорларнинг жавобгарликка тортилиши бу йўналишдаги қатъий сиёсат белгиси сифатида қаралаяпти.

Воқеа Арманистон жамоатчилиги орасида кенг муҳокамаларга сабаб бўлмоқда. Кўпчилик бу ҳолатни давлат бошқарувида очиқлик ва жавобгарлик тамойилларининг кучайиб бораётганидан далолат деб баҳоламоқда.