Аҳоли кредитлари 2,6 баробарга ўсди

2020 йилдан буён Ўзбекистонда аҳолининг тижорат банклари билан тузган кредит шартномалари сони 3,2 баробарга, кредит олган фуқаролар сони эса 2,6 баробарга ошган, деб Ўзбекистон Республикаси Марказий банки маълум қилди.

Марказий банкка кўра, мазкур ўсишга чакана банк хизматлари бозорининг ривожланиши, рақамли банк хизматлари кўламининг кенгайиши ҳамда янги банк маҳсулотларининг жорий қилиниши асосий омил бўлган.

2020 йил 1 январда 1,93 млн киши кредит олган бўлса, 2025 йил 1 июн ҳолатига кўра бу кўрсаткич 5,02 млн нафарга етган. Шартнома сони эса шу даврда 2,4 млн дан 7,78 млн тагача кўпайган.