Тошкентда эркак Central Park’даги кўлмакдан балиқ ўғирлади

Тошкентда Central Park ҳудудида эркак киши кўлмакдан қўл билан балиқ ушлаб олди, деб nova24.uz хабар берди. Воқеа видеога тушиб, 24 июн куни ижтимоий тармоқларда кенг тарқалди.

Кадрларда эркак балиқни ушлаб, уни олиб кетишга урингани акс этган. Воқеа гувоҳларидан бири уни бу ҳаракатидан қайтармоқчи бўлганида, эркак унга ҳақоратли сўзлар айтган.

Кейинчалик гувоҳлар уни тўхтатиб, балиқни сувга қайтаришга мажбур қилишган. Айни пайтда мутасадди идоралар бу воқеа юзасидан расмий изоҳ бермаган.

Аввалроқ ушбу паркда Қашқадарёлик оила лебедни ушлаб, кечки овқатга пишириб егани ҳақида ҳам хабар тарқалган эди.