Marvel’нинг “Фантастик тўртлик: Илк қадамлар” фильми омадсизликка учради: миллиардлар хавф остида
Marvel кинокомпаниясининг сўнгги лойиҳаси — “Фантастик тўртлик: Илк қадамлар” фильми катта умидлар билан намойишга чиқарилганига икки ҳафта ҳам бўлмасдан, прокатда жиддий қийинчиликларга дуч келди. Илк ҳафтада 117,6 миллион доллар билан яхши старт олган блокбастер иккинчи ҳафтада даромадининг 66 фоизини йўқотиб, 40 миллион доллар билан чекланди. Мусобақадошлар камлиги ва ижобий фикрларга қарамай, томошабинни сақлаб қолишнинг иложи бўлмади.
Бундай кескин пасайиш Marvel киновселениесининг сўнгги йиллардаги энг нохуш ҳолатларидан бири бўлиб турибди. Масалан, “Капитан Америка: Янгича дунё” 68 фоиз, “Чумоли одам ва Ари: Квантомания” эса 70 фоиз даромад йўқотган эди. Янада ёмони — “Капитан Марвел 2” 78 фоиз билан антирақам қайд этган. Шунга қарамай, “Фантастик тўртлик” ҳозирча 198 миллион доллар (тахминан 16 миллиард сўм) АҚШда, 368 миллион доллар (деярли 30 миллиард сўм) жаҳон бўйича йиғишга муваффақ бўлди. Бу кўрсаткичлар унга “Громовержцев” ва сўнгги “Капитан Америка” филмларини ортда қолдириш имконини бериши мумкин, аммо Marvel учун олдинги касса муваффақиятларига қайтиш ҳозирча мураккаб бўлиб турибди.
2026 йил декабрида намойиш этилиши кутилган “Қасосчилар: Ҳисоб-китоб куни” фильми Marvel учун навбатдаги катта имконият сифатида қаралмоқда. Фильмда Роберт Дауни кичик Доктор Дум образида қайта намоён бўлиши кутиляпти. Аммо инсайдерлар маълумотига кўра, у олдинги шартларсиз ва ўнлаб миллион долларлик гонорарсиз ролга қайтишга рози эмас. Бу эса блокбастерлар таннархининг юқорилиги ва бу каби лойиҳаларни анъанавий форматда давом эттириш мақсадга мувофиқми, деган саволни яна кун тартибига чиқармоқда.
Манба: Peopletalk