«Хаббл» телескопи бошқа юлдуз тизимидан келган кометанинг аниқ тасвирини олди

АҚШнинг AP News агентлиги хабарига кўра, машҳур «Хаббл» космик телескопи илк марта бошқа юлдуз тизимидан келган юқори тезликдаги кометанинг энг аниқ суратларидан бирини олди. Бу обект — «3I-Атлас» деб номланган комета — инсоният томонидан қайд этилган учинчи маълум ёнғинли юлдузлараро (межзвёздный) жисмдир, деб ёзмоқда Peopletalk.

Астрономлар бу кометани фақат ўтган ойда аниқлашган. Унинг Ерга хавф солмаслиги маълум қилинган. Унинг музли ядроси аввал бошида бир неча ўн километрга тенг деб тахмин қилинган эди, аммо «Хаббл» орбитал телескопи олиб борган кузатувлар натижасида аниқланишича, ядронинг диаметри 5,6 км атрофида.

Бу юлдузлараро комета соатига 209 000 км тезликда ҳаракатланмоқда. У Ерга эмас, балки Марсга яқинроқ масофадан ўтади ва иккала сайёра учун ҳам хавф туғдирмайди. Ҳозирги маълумотларга кўра, у биздан тахминан 446 миллион километр узоқликда жойлашган.

«Хаббл» томонидан олинган суратларда кометанинг атрофини ўраб турган томчисимон шаклдаги чанг қатлами ва ундан узун чангли дум пайдо бўлаётгани аниқланган. Бу — унинг юқори тезликда ҳаракат қилаётганини ҳамда ёруғлик ва иссиқлик таъсирида ўзгариб бораётганини кўрсатади.