OpenAI’нинг GPT-5 сиёсати сунъий интеллект нархларини тушириши мумкин
OpenAI янги GPT-5 моделининг нархини шунчалик паст белгиладики, бу сунъий интеллект бозорида нарх урушини бошлаб юбориши мумкин, деб TechCrunch.com хабар берди.
Компания GPT-5’ни олдинги моделларга нисбатан анча арзон нархда тақдим этиб, катта миқёсдаги фойдаланувчилар ва бизнес мижозларни жалб қилишни мақсад қилмоқда.
Мутахассислар таъкидлашича, бу қарор рақиб компанияларни ўз хизматлари нархини пасайтиришга мажбур қилиши мумкин.
OpenAI вакиллари айтишича, паст нарх сиёсати инновацияларни тезроқ жорий этиш ва AI’дан оммавий фойдаланиш имкониятларини оширишга қаратилган.
Шу билан бирга, айрим таҳлилчилар нарх урушлари стартаплар ва кичик AI компанияларини қийин аҳволга солиши мумкинлигини қайд этмоқда.
OpenAI эса ўзининг иқтисодий имкониятлари ва масштабли инфратузилмаси билан бундай рақобатга тайёр эканини билдирган.