Ўзбекистонда катта АЭС қуриш лойиҳаси ишлаб чиқилмоқда
Ўзбекистон катта атом электр станцияси қуриш лойиҳасини ишлаб чиқишга киришди, деб Kursiv.media хабар берди.
«Ўзатом» мутахассислари станцияни миллий энергетика тизимига интеграция қилиш имкониятларини ўрганмоқда. Агентлик директори Азим Аҳмедхожаевнинг айтишича, ишлар тез орада бошланиб, зарур тадқиқотлар олиб борилмоқда. Лойиҳа Жиззах вилоятида қурилиши режалаштирилган кичик АЭС билан параллел амалга оширилиши мумкин.
Ишлаб чиқиш истиқболлари пойтахтни энергия билан таъминлаш масалалари муҳокамасига бағишланган йиғилишда президент Шавкат Мирзиёев иштирокида кўриб чиқилди. 2024 йил октябрида энергетика вазири Журабек Мирзамахмудов биринчи марта катта қувватли АЭС қуриш режаларини маълум қилган эди.
2025 йил 20 июнда «Росатом» ва «Ўзатом» катта АЭС қуриш бўйича тадқиқотлар ўтказиш тўғрисида келишув имзолаб, 2027 йилгача лойиҳани ривожлантириш йўл харитасини тасдиқлади. Электростанцияда икки ёки тўртта ВВЭР-1000 реакторли энергия блоклари ўрнатилиши кутилмоқда.