Нурсултон Рўзибоев кейинги жанг санасини маълум қилди
UFCда қатнашиб келаётган ўзбекистонлик жангчи Нурсултон Рўзибоев навбатдаги рингга қачон чиқиши ҳақида фикр билдирди.
“Янги жанг? Бир йилдан бери Ўзбекистонга келмадим. Аввало оила билан боғлиқ ишларни йўлга қўйишим керак. Шу боис, насиб қилса, Доҳа ёки Лас-Вегасда — ноябрь ёки декабрь ойида жанг қиламан”, — деди Рўзибоев.
Эслатиб ўтамиз, 17 август куни Чикагода Нурсултон Рўзибоевнинг жанг қилиши кутилган эди. Бироқ унинг рақиби Брайан Баттл белгиланган вазн меъёрига тўғри келмагани учун беллашув бекор қилинганди.