Сурхондарё сабзавот етиштириш бўйича пешқадам бўлди
2025 йилнинг январь-июн ойларида Ўзбекистон бўйлаб 3,8 млн тонна сабзавот йиғиб олинди, деб Миллий статистика қўмитаси маълум қилди.
Сабзавот етиштириш бўйича Сурхондарё вилояти пешқадам бўлди — бу ҳудудда қарийб 720 минг тонна ҳосил йиғилди. Иккинчи ўринда Андижон вилояти (671 минг тонна), учинчи ўринда эса Фарғона вилояти (512 минг тонна) қайд этилди.
Энг кам сабзавот Жиззах вилояти (64 минг тонна) ва Қорақалпоғистонда (60 минг тонна) етиштирилган. Қолган ҳудудларда эса ҳосил миқдори ўртача 76 минг тоннадон 375 минг тоннагача бўлган.