Apple Watch Series 11 тақдим этилди: 5G, Liquid Glass ва янги интеллектуал функциялар
Apple ўзининг навбатдаги флагман соати — Watch Series 11 ни тақдим этди. Rozetked маълумотига кўра, ташқи кўриниш анъанавий қолган бўлса-да, ички жиҳатдан у сезиларли даражада янгиланган.
Энг йирик янгиликлардан бири — 5G қўллаб-қувватлови. Бу уни Apple Watch тарихидаги биринчи моделга айлантиради, у юқори тезликдаги мобил алоқани мустақил равишда қўллаб-қувватлайди.
Яна бир катта янгилик — Liquid Glass дисплей шишаси. У икки баробар царапиналарга чидамли ва соатни янада мустаҳкам қилади. Шу билан бирга, Series 11 Apple Watch тарихидаги энг ингичка моделга айланди.
Қора алюминийнинг янги ранги — Space Gray, корпус эса қайта ишланган титан ва алюминийдан тайёрланган. Зарьядлаш вақти ҳам оптималлаштирилган — тезроқ қувват тўплайди.
Автономлик ҳозирча ўзгармаган — 24 соат ишлаш вақти сақланган.
Соғлиқни кузатиш функциялари янада бойитилган: уйқу сифати, гипертония ва юрак ритми ҳақида огоҳлантириш, ЭКГ, ҳамда Vitals панелида асосий кўрсаткичларни кузатиш мумкин.
watchOS 26 билан янги функциялар ҳам келди: қўл ҳаракатлари орқали бошқариш, Smart Stack'нинг яхшилангaн версияси, реал вақтда таржима, Notes ва Apple Intelligence асосида ишлайдиган Workout Buddy.
Янги соатлар 399 доллардан сотувга чиқмоқда. Технологиялар инсон ҳаётини янада интерактив ва фойдали қилаётганини кўриш қизиқ. Сиз учун қайси функция энг фойдали туюляпти?