Россия футболига тақиқни бекор қилиш масаласи кўрилмоқда
Тезкор югуриш бўйича Олимпия чемпиони ва ҳозирги кунда Россия Давлат Думаси депутати бўлган Светлана Журова Россия футболига қўйилган тақиқни бекор қилиш эҳтимоли ҳақида фикр билдирди.
FIFA ва UEFA 2027-йилги аёллар жаҳон чемпионати саралаш босқичида Россия аёллар терма жамоасига иштирок этишга рухсат бериш имкониятини кўриб чиқмоқда. Бу қарор бошқа давлатларнинг муносабатини таҳлил қилишга хизмат қилади.
"Эҳтимол, аёллар терма жамоаси ёки ёшлар жамоалари қатнашишга рухсат олиши мумкин. Аммо биз ўтган сафар бошқа давлатларнинг реакцияси унчалик ижобий бўлмаганини яхши биламиз. Ҳеч ким хавфга қўл урмоқчи эмас", - деди Журова "Советский Спорт" нашрига берган интервьюсида.
Шунингдек, Журова FIFA ва UEFA ташкилотларига Россия клублари ва терма жамоаларини қайта қабул қилиш учун кафолатли ҳужжатлар қабул қилишни таклиф қилди ва бошқа давлатларнинг реакциясини кутмаслик кераклигини таъкидлади.