Райо Вальекано Ла Лигада тарих яратди
Райо Вальекано жамоаси Ла Лига турнир жадвалида етакчилик қилаётган Мадриднинг Реал клубидан очко тортиб олишга муваффақ бўлди. Якшанба куни бўлиб ўтган учрашув 0:0 ҳисобида якунланди.
Эътиборлиси, Райо Вальекано жорий мавсумда Испания футболининг икки гиганти - Барселона ва Реалга қарши ўз майдонида мағлубиятга учрамаган илк жамоа бўлди. Сентябр ойида ўтказилган ўйинда Барселона билан 1:1 ҳисобида дуранг қайд этилган эди.
Иниго Перес бошқарувидаги жамоа, 12 турдан сўнг, 15 очко билан турнир жадвалининг 12-поғонасида бормоқда. Кейинги турда Райо сафарда Реал Овьедо жамоасига қарши майдонга тушади.
Мадриднинг Реал клуби эса бугунги дурангга қарамай, турнир жадвалидаги етакчиликни сақлаб қолди.