1 миллион солиқ қарзи борларга электр тўлови чекланади
Ўзбекистонда солиқ интизомини кучайтириш мақсадида янги тартиб синовдан ўтказилади. Президент қарорига мувофиқ, 2026 йил 1 январдан бошлаб Наманган вилоятида солиқ қарзи бор фуқаролар учун электр энергияси тўловига чеклов қўлланади.
Ушбу механизм фақат 1 млн сўмдан ортиқ мол-мулк ёки ер солиғи қарзи мавжуд бўлган жисмоний шахсларга таaллуқли бўлади. Тўловни чеклаш жараёни электр таъминотига эмас, балки фақат биллинг тизими орқали тўлов имкониятини вақтинча тўхтатишга қаратилган.
Шу билан бирга, “Очиқ бюджет” порталининг янги модули ишга туширилиб, фуқаролар ўзлари тўлаган солиқлар ва улар ҳисобидан қилинган харажатларни онлайн кўриши мумкин бўлади. Солиқ органлари самарадорлиги эса автоматик ҳисобланадиган кўрсаткичлар асосида баҳоланади.
2026 йилдан бошлаб яна бир муҳим ўзгариш – кўчмас мулкни ижарага бериб топилган даромадлардан тушган солиқ тўлиқ ҳолда маҳаллий бюджетларда қолдирилади.
Солиқ қарзи ҳақида маълумотлар тез орада банк ва тўлов иловаларининг бош саҳифасида ҳам автоматик тарзда кўрсатила бошлайди.