Ўзбекистонда камбағаллик даражаси 4,5% га туширилади
2025 йил охирига бориб, Ўзбекистонда камбағаллик даражасини 8,9% дан 6% га тушириш режалаштирилмоқда. Келгуси йил учун эса янги мақсад белгиланди — бу кўрсаткични 4,5% га камайтириш.
Бу ҳақда президент Шавкат Мирзиёев бошчилигида ўтказилган йиғилишда маълум қилинди. Муҳим эътибор кам таъминланган оилаларга қаратилади: уларнинг ҳар бирига реал эҳтиёжлардан келиб чиққан ҳолда, индивидуал ёрдам дастурлари ишлаб чиқилиши режалаштирилмоқда.
Лойиҳавий ёндашув доирасида "Тенг имкониятлар", "Барқарор келажак сари", "20 маҳаллий бренд", маҳаллаларда тадбиркорликни ривожлантириш, боғларни янгилаш, экспортга йўналтирилган кооперациялар ташкил этиш каби ташаббуслар орқали 1 миллион фуқаро қамраб олинади.