Mars Pringles компаниясини $36 млрдга сотиб олади
Mars корпорацияси (Snickers, Twix брендлари) Еврокомиссиядан Pringles чипслари ва Cheez-It крекерларини ишлаб чиқарувчи Kellanova компаниясини сотиб олиш учун рухсат олди. Битим қиймати $35,9 миллиардни ташкил этади, деб хабар берди Reuters.
Еврокомиссия мазкур бирлашув рақобатга таъсир кўрсатмаслигини маълум қилди. Reutersнинг қайд этишича, Mars Kellanova компаниясини сотиб олиш бўйича битимни 11 декабрга қадар якунлашни режалаштирмоқда.
Mars Snacking президенти Эндрю Кларкнинг сўзларига кўра, бу харид компаниянинг брендлар портфелини сезиларли даражада кенгайтиради. Mars — 1911 йилда АҚШда асос солинган халқаро хусусий корпорация бўлиб, озиқ-овқат маҳсулотлари ва чорва моллари учун маҳсулотлар ишлаб чиқарувчи йирик компаниялардан бири ҳисобланади.
Компания Mars, Snickers, Twix, M&M’s брендлари, шунингдек, Pedigree, Whiskas ва Royal Canin каби чорва моллари емлари билан машҳур.