Давлат идораларида ортиқча машиналар нима бўлади? Жавоб — аукцион
Ўзбекистонда давлат органлари тасарруфида бўлган ортиқча хизмат автомобиллари инвентаризациядан ўтказилиб, очиқ савдолар орқали сотувга чиқарилади. Бу тартиб тегишли қарор билан расман белгиланди.
Қарорга мувофиқ, хизмат эҳтиёжларидан ортиқ деб топилган транспорт воситалари махсус хисобга олинади ва кейинчалик очиқ аукцион орқали фуқаролар ҳамда тадбиркорларга таклиф этилади.
Мазкур чора давлат мулкидан самарали фойдаланиш, ортиқча харажатларни қисқартириш ҳамда бюджет маблағларини тежаш мақсадида жорий этилмоқда. Шу орқали давлат идораларида транспортдан фойдаланишда шаффофлик ошиши кутилмоқда.