Дембеле 2025 йилда учала нуфузли совринни қўлга киритди
ПСЖ ҳужумчиси Усман Дембеле Globe Soccer Awards талқинига кўра 2025 йилнинг энг яхши футболчиси деб топилди. Шу тариқа у йил якунига келиб энг нуфузли учта индивидуал мукофотни ҳам қўлга киритиб, шахсий ютуқларини тўлиқ жамлади. Бу ҳақда euro-football.ru хабар беради.
Аввалроқ Дембеле «Олтин тўп»ни ютган, шунингдек FIFA талқинидаги йилнинг энг яхши футболчиси совринига ҳам сазовор бўлганди.
2025/2026 мавсумида клуб миқёсида у 14 та расмий учрашувда майдонга тушди. Ушбу ўйинларда форвард 4 та гол урди ва 4 та голли узатмани амалга оширди.
Ҳозирда ПСЖ Франция Лига 1 жадвалида иккинчи ўринда бормоқда. Луис Энрике жамоаси етакчи «Ланс»дан атиги бир очко ортда қолмоқда.