«Атлетико» тарихидаги энг узоқ капитан Энрике Коллар вафот этди
Мадриднинг «Атлетико» клуби собиқ футболчиси ва узоқ йиллар сардорлик қилган Энрике Коллар вафоти ҳақида қайғу билан хабар берди. У 91 ёшида оламдан ўтди. Бу ҳақда euro-football.ru хабар беради.
Коллар 1960–1969 йилларда жамоа сардори бўлган ва бу «Атлетико» тарихидаги энг узоқ давом этган капитанлик муддати сифатида қайд этилади.
У клуб сафида 16 йил давомида 470 та учрашувда майдонга тушиб, 105 та гол урди. Энрике Коллар ҳанузгача «Атлетико» тарихида энг кўп ўйин ўтказган футболчилар бешлигидан жой олган.
Футболчи 1970 йилда фаолиятини якунлаган, шунингдек «Кадис», «Мурсия» ва «Валенсия» каби жамоаларда ҳам тўп сурган. Испания терма жамоаси билан эса 1964 йилда Европа чемпионига айланган — финалда испанияликлар СССР терма жамоасини мағлуб этган.