Жанубий Корея собиқ президенти яна 6 ой ҳибсда қолади
Жанубий Кореяда суд собиқ президент Юн Сок Ёлга нисбатан қамоқда сақлаш муддатини узайтирди. Бу ҳақда Ёнҳап ахборот агентлиги хабар берди. Қарорга кўра, Юн яна олти ой давомида ҳибсда қолади.
Маълумотларга кўра, суд прокурорларнинг илтимосини қаноатлантирган. Судя собиқ президент далилларни йўқ қилиши мумкинлиги ҳақидаги хавотирларни инобатга олган. Шу сабабли, ҳибс муддати узайтириш зарур деб топилган.
Юн Сок Ёлга қарши қўшимча айбловлар ҳам қўйилган. Улар орасида 2024-йилда қисқа муддат амал қилган ҳарбий ҳолат билан боғлиқ ҳолда “душман давлатга ёрдам бериш” билан боғлиқ айбловлар бор. Ушбу воқеа мамлакат сиёсий ҳаётида катта баҳс-мунозараларга сабаб бўлган эди.
Суд жараёнлари давом этар экан, собиқ президентнинг иши Жанубий Кореяда жамоатчилик эътиборида қолмоқда. Расмийлар қонун устуворлиги таъминланишини, иш барча ҳуқуқий тартибларга мувофиқ кўриб чиқилишини таъкидлашмоқда.