Трамп босимига қарамасдан, Венесуэла нефт экспорти давом этмоқда
Йил бошидан буён Венесуэладан нефт ва ёқилғи ортилган қарийб ўнлаб танкерлар мамлакат ҳудудий сувларини тарк этди. Бу ҳақда очиқ маълумотлар ва соҳа манбалари хабар бермоқда. Кемалар ҳаракати АҚШ томонидан жорий этилган қатъий чекловлар фонида кузатилмоқда.
АҚШ Президенти Доналд Трамп Венесуэлага нисбатан нефт савдо тақиғи ўз кучида қолаётганини билдирган. Шунга қарамай, айрим танкерлар яширин режимда йўлга чиққани қайд этилди. Маълумотларга кўра, камида тўртта танкер шанба куни Маргарита ороли яқинидаги йўналиш орқали мамлакат сувларини тарк этган.
Мутахассисларнинг айтишича, йўлга чиққан танкерларнинг барчаси санкциялар остида бўлиб, уларнинг аксарияти Венесуэла нефтини Хитойга ташиш учун фойдаланилади. Шунингдек, айрим кичик кемалар ички ташувлар ёки импорт юкларини туширгач, мамлакатдан чиқиб кетган.
АҚШ чекловлари сабаб Венесуэла давлат нефт компанияси нефт захираларини тўплаб қўйган ва экспорт ҳажми камайган. Шу боис компания нефт қазиб олишни қисқартириб, айрим қудуқлар фаолиятини вақтинча тўхтатган. Нефт экспорти Венесуэла иқтисодиёти учун асосий даромад манбаи ҳисобланади.