Samsung СИли қурилмалар савдосини 800 миллионтагача оширмоқчи

Samsung Electronics 2026 йилда Gemini сунъий интеллект ёрдамчиси ўрнатилган 800 миллионта мобил қурилма сотишни режалаштирмоқда, деб хабар берди Reuters. Бу кўрсаткич компаниянинг ўтган йилги натижасидан икки баробар юқори. Бу ҳақда kursiv.uz хабар беради.

Google’нинг Gemini технологияси энди фақат флагман смартфонлар билан чекланмайди — у Galaxy’нинг ўрта нарх сегментидаги моделлари учун ҳам жорий этилади. Натижада фойдаланувчилар генератив қидирув, медиа контентни янада илғор таҳрирлаш имкониятлари ҳамда янгиланган овозли ёрдамчидан фойдаланиши мумкин бўлади.

Шунингдек, Samsung Gemini’ни смартфонлардан ташқари маиший техника қаторига ҳам интеграция қилишни кўзламоқда. Жумладан, Bespoke туркумидаги музлаткичларда ҳам ушбу ечим пайдо бўлиши кутилмоқда.

Gemini — Google DeepMind жамоаси ишлаб чиққан мультимодал сунъий интеллект моделлари оиласи бўлиб, у матн, тасвир, аудио, видео ва код билан бир вақтнинг ўзида ишлай олади.