Тошкент аэропорти туман сабаб парвозлар қабул қилиши ва учишини вақтинча чеклади
Тошкент халқаро аэропортида қалин туман кузатилгани боис самолётларни қабул қилиш ва жўнатиш жараёнлари вақтинча чеклаб қўйилди. Бу ҳақда UzAirports матбуот хизмати маълум қилди.
Қайд этилишича, туман туфайли кўриш масофаси 700 метргача пасайган. Натижада Сеулдан учиб келаётган Centrum Air’нинг C6550 рейси ҳамда Жиддадан йўлга чиққан Air Samarkand’нинг 9S3304 рейси захира аэродром сифатида Самарқандга йўналтирилган.