Муаммоли маҳаллаларга ҳоким ва прокурорлар бириктирилади
Ўзбекистонда жиноятчилик даражаси юқори бўлган маҳаллаларга ҳокимлар, прокурорлар ҳамда ички ишлар бўлимлари раҳбарлари масъул этиб бириктирилди. Бу ҳақда “ЎзА” хабар берди.
Улар бундай ҳудудларга ҳар ой бориб, аҳолининг ижтимоий муаммоларини жойида ҳал этиш чораларини кўриши шарт. Уч йил давомида “қизил” тоифада қолаётган маҳаллалар ИИВ академияси ҳамкорлигидаги алоҳида назоратга олинади, беш йил давомида вазият ўзгармаса, улар Миллий гвардия назоратига ўтказилади.
Асосий эътибор хавф гуруҳидаги оилаларга манзилли ёрдам кўрсатиш ва аҳолини иш билан таъминлаш масалаларига қаратиллади. Шу билан бирга, ишида юқори натижа кўрсатган давлат хизматчиларини рағбатлантириш учун маҳаллий бюджетларнинг бир қисмидан маблағ ажратилиши режалаштирилган.