Зарина Юлдашева очиқ кийинган сурати юзасидан изоҳ берди
Актриса Зарина Юлдашева ижтимоий тармоқларда тарқалган очиқ кийинган сурати юзасидан изоҳ берди. Унга кўра, оммавий муҳокамаларга сабаб бўлган сурат аслида сунъий интеллект ёрдамида яратилган ва ўзи билан ҳеч қандай алоқаси йўқ.
“Ўртоқлар, ўзингларни босилар. Гринж билан тушган расмим бу мен эмасман. Сал ўйлаб кўрилар. Дастурлар чиқибди-ку, сунъий интеллект деган нарса. Видеоларга, расмларга ўзингизни суратларингизни қўйсанглар, худди сиздек бўлиб чиқади,” — деди актриса.
Унинг сўзларига кўра, ҳозирги замон технологияси бундай монтажлар қилиш имконини беради. “Ҳамма ваҳима қилибди: Зарина битта шу кийим қолган эди киймаган деб. Биз ҳозир нечанчи асрда яшаяпмиз, ривожланган асрда-ку,” — дея танқид қилди у. Шу билан бирга, актриса ёлғон ахборот тарқатаётганлардан ҳушёр бўлишни сўради.