Chevron ва Trafigura Венесуэла нефтини экспорт қилиш бўйича шартномалар учун рақобатлашмоқда
Chevron, шунингдек Vitol ва Trafigura компаниялари АҚШ ҳукумати билан Венесуэладан нефть экспортини йўлга қўйиш бўйича шартномалар олишга интилмоқда. Бу ҳақда Reuters манбаларга таяниб хабар берди.
Компаниялар қизиқиши Вашингтоннинг Венесуэла нефти савдоси ва мамлакат даромадлари устидан чекловларсиз назорат ўрнатиш режаси билан боғлиқ. Reuters ёзишича, бу режа президент Николас Мадурони ҳокимиятдан четлатиш сценарийси ортидан кўзда тутилмоқда.
Музокаралар доирасида иштирокчилар давлатга қарашли PDVSA омборларида тўпланган 50 миллион баррелгача нефтини сотиш ҳуқуқи учун курашмоқда. Томонлар ўртасидаги келишувлар давом этаётгани айтилади, бироқ уларнинг тафсилотлари ошкор қилинмаган.
Венесуэлада қолаётган ягона йирик америкалик нефть компанияси бўлган Chevron ўз лицензиясини кенгайтиришга умид қилмоқда. Бироқ у кўп йиллардан бери илк бор хорижий ўйинчилар билан бевосита рақобатга дуч келмоқда.
Швейцариянинг Vitol компанияси эса АҚШдан 18 ой муддатга дастлабки лицензия олишга улгурди. Reuters қайд этишича, санкциялар ва йиллар давом этган етарли сармоя киритилмагани сабаб Венесуэлада нефть қазиб олиш ҳажми кескин камайиб, ҳозирда кунига тахминан 1 миллион баррел атрофида. 1970-йилларда бу кўрсаткич 3,5 миллион баррелга етган эди.