«Ал-Иттиҳод» Бензема билан шартномани узайтирмоқчи
Саудия Арабистонининг «Ал-Иттиҳод» клуби ҳужумчи Карим Бенземани жамоада олиб қолиш ниятида. Бу ҳақда euro-football.ru хабар беради.
Инсайдер Николо Скиранинг хабарига кўра, клуб франсуз футболчисига 2028 йилгача мўлжалланган янги битимни таклиф қилган. Томонлар ҳозирча келишувга эришиш учун музокараларни давом эттирмоқда.
Бензема 2023 йилда Мадриднинг «Реал» клубидан «Ал-Иттиҳод» сафига эркин агент сифатида ўтганди. Унинг амалдаги шартномаси 2026 йил 30 июнгача кучда. Жорий мавсумда франсуз футболчиси барча мусобақаларда 17 ўйинда майдонга тушиб, 15 та гол урди.