Руслан Абдуллаев АҚШда уругвайлик рақибини нокаутга учратди (видео)
Профессионал бокснинг супер енгил вазн (63,5 кг) тоифасида ҳаракат қилаётган ҳамюртимиз Руслан Абдуллаев навбатдаги жангини Америка Қўшма Штатларида ўтказди. Бу гал у АҚШнинг Калифорния штатида Golden Boy промоутерлик компанияси ташкил этган бокс оқшомида рингга кўтарилди ва мухлисларни яна бир бор хурсанд қилди.
Чарм қўлқоп устамиз уругвайлик Эдуардо Хавиер Абреуга қарши баҳс олиб борди. Жанг 8 раундга мўлжалланган бўлиб, тўқнашувнинг энг ҳал қилувчи лаҳзаси 5-раундда кузатилди: Абдуллаев рақибини аниқ ва кучли зарба билан қулатиб, залдаги муҳитни бир зумда “портлатди”.
Қувонарлиси, Абреу ердан туришга улгурди, аммо у кетма-кет келган зарбалар олдида бардош кўрсата олмади. Русланнинг босими, тезлиги ва ҳужумдаги изчиллиги рақибни янада қийин аҳволга солди.
Натижада, Абдуллаев профессионал боксдаги тўртинчи жангини ҳам ғалаба билан якунлаб, ўзининг ғалабали сериясини давом эттирди. Калифорниядаги ушбу муваффақият ҳамюртимизнинг ҳалқаро аренадaги ишончини янада ошириши, каттароқ рақиблар ва нуфузли жангларга йўл очиши мумкин.