ПСЖ «Бавария» вингери Олисе учун 100 млн евро таклиф қилмоқчи
«Бавария» ярим ҳимоячиси Майкл Олисе фаолиятини Францияда давом эттириши мумкин. Бу ҳақда euro-football.ru хабар беради.
Инсайдер Экрем Конур берган маълумотларга кўра, вингерга «ПСЖ» қизиқиш билдирмоқда. Париж клуби ёзги трансфер ойнасида Олисе учун мюнхенликларга 100 миллион евро таклиф қилишга тайёр. «Бавария» эса футболчини қўлдан чиқармаслик ниятида ва унга яхшиланган шартлар билан янги шартнома тайёрламоқда.
Майкл Олисе 2024 йилда «Кристал Пэлас»дан «Бавария»га 53 миллион евро эвазига ўтган. Унинг амалдаги шартномаси 2029 йил 30 июнгача мўлжалланган. Жорий мавсумда Олисе барча мусобақаларда 29 ўйинда майдонга тушиб, 13 гол урди ва 21 та голли узатма муаллифи бўлди. Transfermarkt портали француз футболчисини 130 миллион еврога баҳоламоқда.