Киммих ЖЧ-2026 бойкоти ҳақидаги гапларга муносабат билдирди

Мюнхеннинг «Бавария» клуби ҳамда Германия терма жамоаси ярим ҳимоячиси Йозуа Киммих АҚШнинг сиёсий қарорлари фонида 2026 йилги жаҳон чемпионатини бойкот қилиш эҳтимоли борасида фикрини айтди. Бу ҳақда euro-football.ru хабар беради.

Футболчи бу масалада сиёсий баҳсларга аралашмоқчи эмаслигини таъкидлади. Унинг сўзларига кўра, футболчиларнинг бундай мавзудаги баёнотлари вазиятга сезиларли таъсир кўрсатмайди, Германияда эса бу масалаларни ундан кўра яхшироқ тушунадиган одамлар бор ва изоҳни улар бериши керак.

Эслатиб ўтамиз, навбатдаги жаҳон чемпионати ёзда Шимолий Америкада ўтказилади. Нуфузли мусобақага бир йўла уч давлат мезбонлик қилади: АҚШ, Канада ва Мексика.