Угаров Кюрасао ва Кабо-Верде Россия билан ўйнаши керак эди
"Зенит"нинг собиқ футболчиси Денис Угаров 2026 йилги жаҳон чемпионати финал босқичига Кюрасао ва Кабо-Верде чиқиб қолгани ҳақида кинояли фикр билдирди. У ўз мулоҳазаларини "Евро-Футбол.Ру" нашрига берган интервьюсида айтиб ўтди. Бу ҳақда euro-football.ru хабар беради.
Угаровнинг таъкидлашича, бу жамоалар мундиалнинг финал қисмига йўл олишидан олдин Россия терма жамоасига қарши ўйнаб кўриши керак эди. Экспертнинг фикрича, айнан шундай ўйинлар улар даражасини реал баҳолашга ёрдам берарди ва буни текшира оладиган асосий рақиб сифатида Россия терма жамоасини тилга олди.
Кюрасао терма жамоаси бош мураббий Дик Адвокат қўл остида E гуруҳида Германия, Эквадор ва Кот-д’Ивуар билан баҳс олиб боради. Кабо-Верде эса H гуруҳида Испания, Уругвай ҳамда Саудия Арабистони билан тўқнаш келади.
2026 йилги жаҳон чемпионати АҚШ, Мексика ва Канада майдонларида ўтказилади.