Арне Слот Жеррард танқидига жавоб бериб, фикрини тушунтирди
«Ливерпул» бош мураббийи Арне Слот клуб афсонаси Стивен Жеррарднинг гапларига муносабат билдирди. Жеррард нидерландиялик мутахассис рақибларнинг паст блокда ҳимояланиши ҳақида шикоятни камайтириши кераклигини айтганди. Бу ҳақда euro-football.ru хабар беради.
Слот Sky Sports’га берган интервьюсида Жеррарднинг айнан нималар деганини тўлиқ эшитмаганини, бироқ у ҳар доим «Ливерпул»га меҳр билан қарашини таъкидлади. Мураббий паст блок мавзусини тез-тез тилга олишини яширмади: жамоа кўп учрашувларда айнан шундай ҳимояга қарши ўйнашга тўғри келаётганини айтди.
Шунингдек, Слот Жеррард футболчилик фаолиятида паст блокни ёриб ўтишга қодир ижрочилардан бири бўлганини эслатди. Мураббий бу мавзуида бошқа ибораларни топиши ёки умуман изоҳ бермаслиги ҳам мумкинлигини қўшимча қилди: «Барибир ҳамма буни билади», — деди у.
Шанба куни «Ливерпул» сафардa «Борнмут»га қарши майдонга тушади.