«Бавария» Упамеканодан жавоб кутаётганини билдирди
Мюнхеннинг «Бавария» клубида спорт директори лавозимида ишлаётган Макс Эберл ҳимоячи Дайо Упамеканонинг келажаги юзасидан фикр билдирди. 27 ёшли франсуз футболчининг амалдаги шартномаси жорий мавсум якунигача мўлжалланган. Бу ҳақда euro-football.ru хабар беради.
«Биз Упамеканодан жавоб кутяпмиз», — дея Эберлнинг сўзларини журналист Флориан Плеттенберг ижтимоий тармоқларда келтирди.
Аввалроқ ОАВда «Бавария» янги шартнома бўйича Упамеканога берилган таклифни яхшиламаслиги мумкинлиги ҳақида хабарлар тарқалган эди.
Упамекано «Бавария» сафида жами 176 учрашув ўтказиб, 6 та гол урди ва жамоадошларига 11 та голли узатма берди.