Жикия агенти ҳимоячининг келажаги борасида гапирди
"Антальяспор" футболчиси Георгий Жикиянинг агенти Владимир Кузьмичёв россиялик ҳимоячининг клубдаги келажаги юзасидан фикр билдирди. Бу ҳақда euro-football.ru хабар беради.
Агентнинг айтишича, Жикиянинг ҳолати яхши ва клуб унга ишонмоқда. Сўнгги ўйинларда майдонга тушмаганига сабаб микрожароҳат бўлган, ҳозир эса у тўлиқ тикланган. Кузьмичёвнинг тахминига кўра, Жикия кейинги учрашувда яна ўйнаши мумкин.
Аввалроқ ОАВда турк клуби "Спартак"нинг собиқ сардори билан хайрлашмоқчи экани ҳақида хабарлар тарқалган эди.
Жикия жорий мавсум Туркия чемпионатида 12 та ўйинда қатнашиб, 2 та гол урди. Унинг "Антальяспор" билан амалдаги шартномаси 2027 йилнинг ўрталаригача мўлжалланган.