Россиялик математик 190 йиллик муаммони ҳал қилди
Россиялик математик Иван Ремизов 190 йил давомида ечилмаган математик муаммони ҳал қилишга муваффақ бўлди. У табиатдаги жараёнларни, элементар заррачалар ҳаракатидан тортиб сайёралар орбиталаригача бўлган барча жараёнларни тавсифловчи иккинчи даражали дифференциал тенгламанинг универсал формуласини яратди.
Бу кашфиёт физика соҳасида ҳам катта қизиқиш уйғотди, чунки Ремизов квант заррачалари ҳаракатини тавсифлаш учун ишлатиладиган математик ёндашувдан фойдаланган. Унинг усули элементар заррачаларнинг хаотик ҳаракати ва катта объектлар, масалан, сайёралар орбиталарига таъсир қилувчи қонунларни бир формулада умумлаштириш имконини берди.
Математикнинг бу кашфиёти нафақат назарий физика, балки астрофизика ва инженерлик соҳаларида ҳам янги тадқиқот йўналишларини очиши мумкин. Унинг универсал формуласи орқали мураккаб система ва жараёнларни математик моделлаштириш анча осонлашади.
Иван Ремизовнинг 190 йиллик муаммони ҳал этиши, замонавий илмдаги энг катта ютуқлардан бири сифатида баҳоланмоқда ва келгусида фан ва технология ривожида муҳим роль ўйнайди.