Денис Макаров Туркиядаги фаолияти қандай бошланганини айтди
Ҳужумкор қанот футболчиси Денис Макаров Туркиянинг "Кайсериспор" клубига қандай келиб қолгани ҳақида гапириб берди. Бу ҳақда euro-football.ru хабар беради.
Футболчининг айтишича, у қишки йиғинлар бошланишидан олдинроқ нарсаларини йиғиб қўйган, чунки тез орада бошқа жамоага кетишини сезиб турган.
"Йиғинга келдим, орадан икки кун ўтиб агентим Алексей қўнғироқ қилди ва: ‘Туркиядан вариант бор. Хоҳлайсанми?’ деди. Мен эса: ‘Албатта, ҳа’, деб жавоб бердим. Чунки бу янги чемпионат, янги ҳиссиётлар", — дея Макаровнинг сўзларини "Чемпионат" нашри келтирди.
Макаровнинг таъкидлашича, "Кайсериспор" бош мураббийи ва спорт директори билан бўлган суҳбатдан сўнг томонлар ҳамкорлик бўйича умумий келишувга келган ва масала тезда ҳал бўлган.
27 ёшли, аввал "Динамо" сафида ўйнаган вингер Туркия клуби билан ярим йиллик шартнома имзолади. Келишувда уни узайтириш бўйича банд назарда тутилмаган.