«Кайсериспор» мураббийи Макаровни Роббенга ўхшатди
Ҳужумкор ярим ҳимоячи Денис Макаров Москванинг «Динамо» клубини тарк этиб, Туркиянинг «Кайсериспор» жамоасига кўчиб ўтди. Клуб бош мураббийи Радомир Жалови 27 ёшли россиялик футболчининг имкониятларини жуда юқори баҳоламоқда. Бу ҳақда euro-football.ru хабар беради.
Мутахассис Макаровнинг ўйин услубини машҳур Арьен Роббен билан қиёслади. Жалови таъкидлашича, Денис ҳам қанотдан марказга кескин кириб боришни яхши кўради ва унинг чап оёғи ҳам худди шундай кучли. Мураббийнинг сўзларини «Спорт-Экспресс» келтирди.
Ҳозир «Кайсериспор» Туркия чемпионатида мураккаб вазиятда: жамоа турнир жадвалида 17-ўринда бормоқда. Суперлига навбатдаги турида клуб сафарда «Галатасарай»га қарши майдонга тушади, учрашув февраль ойининг биринчи оқшомида бўлиб ўтади.