Қайси давлат энг яхши миллий таоми билан етакчи ўринда?

World Population Review платформаси томонидан эълон қилинган сўнгги тадқиқотга кўра, турли мамлакатларнинг миллий ошхоналари таққосланди, деб хабар беради World Population Review. 2025 йил учун тузилган рўйхатга 99 та давлат киритилган, бироқ Ўзбекистон унга қўшилмаган.

Тадқиқот 400 мингга яқин фойдаланувчилар томонидан қолдирилган фикрлар асосида шакллантирилган. Ҳар бир мамлакатнинг таомлари сифати 0 дан 5 баллгача бўлган шкалада баҳоланган.

Натижаларга кўра, Греция миллий ошхонаси 4,6 балл билан биринчи ўринни эгаллаган. Уларнинг овқатлари тайёрлашда соддалиги ва тетик маҳсулотлардан иборатлиги билан ажралиб туради. Италия, Мексика, Туркия, Испания, Португалия, Индонезия, Франция, Япония ва Хитой ҳам кучли ўнликка кирган.

Грузия 30-ўринни, Россия эса 34-поғонани эгаллаган. Рўйхатдаги энг кам балларни эса Албания, Нигерия, Боливия, Лаос ва Никарагуа олган. Қозоғистон ҳамда Арманистон 3,9 балл тўплаб, улардан бироз юқорироқ ўринда турибди.