Райҳон Уласенованинг ўғли севган қизининг қўлини ўзгача тарзда сўради
Актриса Райҳон Уласенованинг ўғли севган қизига ўзига хос романтик тарзда севгисини ошкор қилгани ҳақидаги видеони актриса ўзининг ижтимоий тармоқлари саҳифасида улашди. Кўринишидан, бу унутилмас лаҳзалар нафақат икки ёш, балки уларнинг яқинлари учун ҳам катта қувонч бўлган.
Видеодан маълум бўлишича, ёшлар бир-бирига чин юракдан меҳр қўйган ва муносабатларини кейинги босқичга олиб чиқишмоқда. Фотиҳа тўйи аллақачон бўлиб ўтган, деган фикрларни ҳам изоҳларда кўриш мумкин.
Айни дамда тўй яқинлашаётганидан дарак берувчи ишоралар ҳам йўқ эмас. Райҳон Уласенова ушбу видео орқали фарзандининг ҳаётидаги муҳим воқеани мухлислари билан бўлишиб, уларни ҳам қувончга шерик қилди.
Ёш оилага бахт, соғлиқ ва ўзаро ҳурмат тилаб қоламиз!