Денис Макаров ўнг сон мушагидан жароҳат олди
Туркиянинг “Кайсериспор” клубида тўп сураётган россиялик ярим ҳимоячи Денис Макаров жароҳати сабаб номаълум муддатга сафдан чиқди. Бу ҳақда клуб матбуот хизмати хабар берди. Бу ҳақда euro-football.ru хабар беради.
Клуб маълумотига кўра, текширувлар Макаровнинг ўнг сонининг юқори қисмидаги мушаклар гуруҳида енгил шикастланиш ва шиш аниқланганини кўрсатган. Футболчининг даволаниш жараёни давом этмоқда.
Макаров “Кайсериспор” сафида 3 февраль куни “Галатасарай”га қарши ўйинда дебют қилганди. Учрашув 0:4 ҳисобида якунланди, жамоа эса турнир жадвалида 17-ўринда бормоқда ва лигада қолиш учун кураш олиб бормоқда. Аввалроқ футболчи Москванинг “Динамо” клубида ўйнаган ва жамоани эркин агент сифатида тарк этганди.