Мбаппе Алонсо билан ишлашни Арбелоага қараганда афзал кўрган
Килиан Мбаппе «Реал» сафида голлар уришни давом эттирмоқда. Якшанба кунги ўйинда мадридликлар «Валенсия»ни 2:0 ҳисобида мағлуб этди, учрашувдаги иккинчи голга эса Мбаппе муаллифлик қилди. Бу ҳақда euro-football.ru хабар беради.
The Touchline El Partidazo дастурига таяниб хабар беришича, франсуз ҳужумчиси Хаби Алонсо билан ишлашни Алваро Арбелоага қараганда кўпроқ ёқтирган.
Қизиғи, аввалроқ Алонсо ва Мбаппе орасида таранглик борлиги ҳақида миш-мишлар тарқалган эди. Бироқ футболчи мураббий ишдан кетганидан кейин бу гапларни рад этиб, амалда ҳеч қандай муаммо бўлмаганини айтганди.
Ҳозир «Реал» Испания чемпионати турнир жадвалда иккинчи ўринда бормоқда. «Барселона» эса бир очко кўпроқ жамғараган.