Наумов Моуринё учун Саудия Арабистонини мос кўрди
"Локомотив"нинг собиқ президенти Николай Наумов "Бенфика" бош мураббийи Жозе Моуринё фаолиятини давом эттириши мумкин бўлган йўналиш ҳақида фикр билдирди. У бу ҳақда "Евро-Футбол.Ру"га берган интервьюсида гапирди. Бу ҳақда euro-football.ru хабар беради.
Наумовнинг таъкидлашича, Моуринёнинг аввалги ўзига хослиги ва кутилмаган қарорлари ҳозир сезилмаяпти. Эксперт фикрича, португалиялик мутахассис футбол тенденцияларидан ортда қолган ва ҳозирги пайтда у энди аввалгидек ёрқин образ эмас.
Наумов Моуринё учун энг мақбул вариант сифатида Саудия Арабистонини тилга олди. Унинг айтишича, у ерда маошлар юқори, шов-шув ва можароларни яхши кўришади, шунингдек, тажрибали ва ёши катта юлдуз футболчилар билан ишлаш имконияти бор.
Маълумот учун, Моуринё бошқарувидаги "Бенфика" Чемпионлар лигаси 1/16 финалида Мадриднинг "Реал" жамоасига қарши майдонга тушади. Дастлабки учрашув 17 февраль куни Португалияда бўлиб ўтади.