Роналдунинг машғулотида қизи ҳам иштирок этди
Криштиану Роналдунинг жуфти Жоржина Родригес ижтимоий тармоқларда янги сурат билан бўлишди. Кадрда юлдуз ҳужумчи спорт залида гантеллар билан шуғулланаётгани, унинг ёнида эса қизларидан бири ҳам машғулотга қўшилгани акс этган. Бу ҳақда euro-football.ru хабар беради.
Суратда 41 ёшли футболчи оғирликлар билан ишлаётган бўлса, қизи ҳам қўлида кичик, пушти рангли мини-гантелларни ушлаб турган. Жоржина суратга қисқа изоҳ қолдириб, “Дада”, деб ёзди.
Аввалроқ Родригес Роналдуни туғилган куни билан табриклаган пост ҳам жойлаган эди. Қизиғи, у табрикни футболчининг 41 ёшга тўлган кунидан бир кун ўтиб эълон қилган.
Шунингдек, Криштиану Роналду “Ал-Наср”нинг сўнгги бир нечта учрашувларида майдонга тушмади. ОАВда эса португалиялик футболчи клуб бошқарувидан норози бўлгани сабаб ўйинларни бойкот қилаётгани ҳақида хабарлар тарқалди.