Капелло Роналдуни Месси ва Марадона билан тенглаштирмади
Россия терма жамоаси ҳамда Мадриднинг “Реал” клубини аввал бошқарган Фабио Капелло португалиялик ҳужумчи Криштиану Роналду ҳақида фикр билдирди. Бу ҳақда euro-football.ru хабар беради.
Италиялик мутахассисга кўра, Роналду — буюк тўпурар ва жисмонан жуда кучли спортчи. Бироқ Капелло унинг ўйинида Месси, Марадона ва Роналдо даражасидаги туғма даҳолик йўқлигини таъкидлаб, Криштиануни айнан шу уч футболчи билан солиштириш нотўғри эканини айтди. Мутахассиснинг сўзларини A Bola нашри келтирди.
Ҳозир 40 ёшли Роналду Саудия Арабистонининг “Ал-Наср” клубида тўп сурмоқда. Юлдузли форварднинг шартномаси 2027 йил июнь ойи охиригача мўлжалланган, унинг трансфер баҳоси эса 12 миллион еврога тенг деб баҳоланмоқда.