ФИФА «Атлетик» Бильбаога 2028 йилгача трансфер тақиқи қўйди
Бильбао шаҳрининг «Атлетик» клуби янги футболчиларни рўйхатдан ўтказиш бўйича тақиқ олди. The Touchline хабарига кўра, ФИФА басклар жамоасига яқин учта трансфер ойнасида таркибни кучайтиришни ман этган ва чеклов 2028 йил январигча давом этади. Бу ҳақда euro-football.ru хабар беради.
Манбада айтилишича, бундай қарор меъёрий талаблар бўйича кўплаб қоидабузарликлар аниқлангани ортидан қабул қилинган.
Эслатиб ўтамиз, ўтган ёз «Атлетик» трансферларга 20 миллион евродан ортиқ маблағ сарфлаб, Эмерик Лапортни «Ал-Наср»дан, Хесус Аресони эса «Осасуна»дан олиб келганди. Клуб сиёсатига кўра, жамоада фақат баск илдизларига эга футболчилар тўп суриши мумкин.
Ҳозирги Ла Лига мавсумида «Атлетик» 23 турдан сўнг 28 очко жамғарган ва турнир жадвалида 10-ўринда бормоқда.