Луис Энрике «Ренн» билан учрашув олдидан фикр билдирди
Франция чемпионати навбатдаги турида ПСЖ сафарда «Ренн» майдонига бориб, муҳим учрашув ўтказади. Ўйин арафасида парижликлар бош мураббийи Луис Энрике баҳс ҳақида ўз мулоҳазаларини айтди. Бу ҳақда euro-football.ru хабар беради.
Испаниялик мутахассис рақибнинг ҳозирги ҳолати идеал эмаслигини тан олган бўлса-да, «Ренн»га қарши ўйнаш доим қийинлигини таъкидлади. Энрикенинг сўзларига кўра, ПСЖнинг вазифаси жадвалдаги рақибларга босимни тўхтатмаслик ва пешқадамликни мустаҳкамлаш.
«Ренн» — ПСЖ учрашуви бугун, 13 февраль куни бўлиб ўтади. Старт ҳуштаги 23:00 да (Тошкент вақти билан) янграйди. Ўйин олдидан мезбонлар Лига 1 жадвалида 6-ўринда, меҳмонлар эса чемпионат етакчиси бўлиб турибди.